【明報專訊】立法會選舉在即，唔少候選人會搵「重量級」政界人物支持，全國人大常委譚耀宗呢排四出為不同候選人拉票，除咗民建聯黨友外，仲有為立會選舉「新丁」、參選選委會界別嘅打鼓嶺區鄉事委員會主席陳月明拍短片拉票。譚耀宗話，陳月明長期喺地區為婦女、青年服務，非常重視新界發展，仲好好推動深圳同香港之間合作，如能進入立法會，對兩地經濟合作可起作用，一定會全心服務基層。陳月明全程喺譚耀宗身邊，未有發言。