【明報專訊】接連有非建制派攞到選委提名票「入閘」參選立法會，有建制派重量級人物就呼籲其他選委，鬆手提名非建制派，仲以身作則。全國政協常委胡定旭（肥胡）就同Emily講，自己喺功能界別及地區直選各提名一名非建制派，包括噚日報名出選港島東嘅潘焯鴻。肥胡話，只要符合愛國愛港原則，任何人都可以提名，話選舉唔應該「清一色」，多啲唔同界別嘅人參與立法會係好事。