【明報專訊】負責推展社區疫苗接種計劃嘅公務員事務局長聶德權，早前要求各區民政事務處幫手鼓勵長者打針。佢噚日喺facebook話，深水埗民政事務處聯合地區組織，試行以旅遊巴做「疫苗專線車」，接載居民由富昌邨、海麗邨，來往就近社區疫苗接種中心。而灣仔民政處就聯同灣仔友好協進會、全港社區抗疫連線搞「灣仔區長者疫苗接種日」，資深藝人胡楓（修哥）同羅蘭姐就去到現場為老友記加油打氣。