【明報專訊】港島區老牌中學聖保羅書院今個月慶祝170周年校慶，有連串活動凝聚校友，其中一項活動係踢「西瓜波」。Emily唔明點解佢哋走去玩西瓜波，校友之一、民政事務局常任秘書長黃智祖就話其實有段古，話說由於校舍地方有限，如果喺校內踢足球，好易打爛玻璃，所以佢哋由細到大都只喺校內踢西瓜波，漸漸變成一種聯繫嘅玩意。