【明報專訊】唔少喺獄中嘅民主派係足球迷，喺監倉就無波睇。民主黨莊榮輝話噚日同前主席劉慧卿去咗赤柱探黨友楊森，仲將基斯坦奴朗拿度（C朗）香港時間周四喺歐聯賽事入波、絕殺對手嘅事話畀楊森知，話佢哋兩個都係曼聯擁躉，點可以唔提C朗入波。C朗今季回歸曼聯，佢喺嗰場歐聯94分鐘補時階段入波，幫球隊以2：1反勝對手維拉利爾。