【明報專訊】東京奧運港隊攞到歷屆最佳成績，但受球衣風波影響嘅羽毛球代表伍家朗表現失準。實政圓桌議員田北辰噚日喺立法會民政事務委員會會議為伍家朗發聲，話伍臨急臨忙換件網球衫上場比賽，表現一定受影響，田二少關注運動員有冇得到最好支援。體育學院院長李翠莎話，知道美國泳隊同NASA（美國太空總署）合作，為泳手研發戰衣，田二少聽到即刻反建議體院，「搵內地都得喎，內地太空都做得唔錯」。