【明報專訊】政府近期落力谷長者去打新冠病毒疫苗，建制派團體都幫手，工聯會鄧家彪今日（周一）就借用彩雲邨嘅社區會堂，安排承辦商到場幫邨內長者、街坊打針。政府早排做外展打針服務，使出派米、派超市現金券招數吸引老友記打針，但阿彪話，用現金利誘長者打針未必係最好，長者都係關注健康問題，所以今次佢派發嘅「獎品」係電子血壓計，畀長者打針後可以睇住血壓，唔使咁擔心。