【明報專訊】前刑事檢控專員梁卓然（圖）舊年辭職，過咗9個月，有報章引述消息話佢下個月會出任高等法院暫委法官，為期6個月，更係由終審法院首席法官張舉能拍板。司法機構噚日話唔會評論有關個別委任人選嘅傳聞，終院首席法官可以根據《高等法院條例》第10條，委任有資格嘅人做高院原訟法庭暫委法官，有消息就會刊憲公布。