【明報專訊】政府仍未公布區議員宣誓詳情，早前已有逾200個區議員自行辭職，各辭職者亦陸續清空、交還辦事處。早前已辭職嘅大埔區鎮樺，日前就喺facebook話要「清貨大減價」，原來喺去年疫情最嚴重時，佢嘅辦事處墊支購入大量搓手液同口罩，原價賣街坊，但疫情緩和後當時購入嘅防疫用品就變咗「蟹貨」，所以今日起會喺區內以低於當日購入價向街坊賣相關物品，話「只望能換取番資金，以支付還原辦事處開支及部分已簽約服務之毁約服務金」。