【明報專訊】奧運開始，一眾高官都投入熱潮，喺社交媒體出帖為港隊打氣，噚日朝早約9點半，何詩蓓勇奪銀牌，財政司長陳茂波喺10:43分出帖恭賀，而前特首梁振英今次都好快，喺10:44分出post話喺北京遙賀何詩蓓為香港取得零的突破。特首林鄭月娥今次唔鬥快，但勝在齊人，下午2:30出文同相，相中有佢及一眾司局長睇何詩蓓比賽嘅直播，仲首次有佢同陳茂波二人一齊睇比賽嘅相片，之前佢哋各自精彩睇比賽。