【明報專訊】奧運吸引力真係唔嘢小，連官員都要放低工作眼定定欣賞。話說特首林鄭月娥噚日喺facebook出post，張相顯示佢同多名司局長等人一齊睇何詩蓓出戰女子200米自由泳準決賽，一眾官員見到何詩蓓一直領先、打入決賽都好雀躍。不過，前日快過林鄭出post恭賀張家朗奪金嘅財政司長陳茂波，噚日就無一齊睇何詩蓓。知情者同Emily講，上述呢場係內部「抗疫會議」，財爺噚日出席咗「早禱會」後因有事在身，冇開抗疫會議，所以林鄭發嘅相無茂波喺度。