【明報專訊】傳出不符宣誓資格嘅區議員會被追薪津後，近日大批民主派區議員辭職，包括多名區議會主席。民主黨「老鴿」程張迎早前辭去沙田區議會主席一職，沙田區議會截至噚日餘下21名區議員，民主派仍佔多數，噚日區議會大會先補選主席，由禾輋邨區議員、無黨派嘅民主派李志宏喺冇競爭下自動當選，黃浩鋒、麥潤培、黃學禮等民主派事後向佢祝賀。黃浩鋒話，李志宏喺呢個時候「挺身而出實屬難得」。