【明報專訊】李家超升任政務司長後，仲做埋候選人資格審查委員會主席。佢接受《環球時報》訪問，重申會確保冇人可以偽裝成「擁護」、「效忠」，偽裝成「愛國者」入閘參選。政府已修訂《釋義及通則條例》列出「負面清單」，列明不符擁護《基本法》、效忠特區嘅行為，李家超喺訪問中就話，清單以外嘅行為都會考量。咁係指咩情况？佢話如果將所有情况講明，咁偽裝嘅「愛國者」就可能鑽漏洞逃避審查，所以有啲內容不便公開。