【明報專訊】唔使講都知道，開會時電話應該校靜音。經民聯立法會議員張華峰（肥老闆）噚日開緊立法會會議時就唔記得咗，佢喺會上就「防範極端主義的傳播」發言，講咗幾秒，純音樂鈴聲就響起，肥老闆將放喺枱面嘅電話，放喺自己背後並繼續發言，但鈴聲繼續響緊，最終要立法會嘅工作人員行埋去，拎走佢個電話同撳停鈴聲。