【明報專訊】中西區區議員葉錦龍之前喺區內各處掛起12張「塘西光影」流動攝影展嘅橫額，展示一班街坊引以為傲嘅石塘嘴靚景靚人靚風情，用相片配上填詞人梁柏堅嘅文案。不過，葉錦龍話一個星期內，大部分橫額已經被破壞，最過分係被割到支離破碎。佢前日逐一修補橫額，希望大家可以繼續欣賞靚相。佢又引用《銀河修理員》嘅歌詞：「總有某些修補可以做／縫了再破穿了再補／這亂世未必可修理好」。