【明報專訊】人氣男團MIRROR成員近日風靡全城，其中「教主」盧瀚霆（Anson Lo）聽日26歲生日，佢嘅粉絲（神徒）喺巴士車身落廣告，架巴士上周末駛到尖沙嘴，吸引逾千人湧去打卡。尖沙嘴西區議員陳嘉朗（Leslie）噚日致函九巴，表揚駕駛廣告巴士嘅司機，大讚佢哋埋站時同其他巴士保持額外距離，方便一班「神徒」上前影相。