【明報專訊】ViuTV劇集《大叔的愛》近排熱播，劇集涉及同性戀題材。建制派立法會議員何君堯一向反對同性戀，Emily噚日問佢有冇睇《大叔的愛》，佢反問「（套劇）講咩㗎？講好似我哋咁嘅年紀嘅人？」解釋一番後，佢就話播放唔係問題，但劇集要通過「電檢」審查，標明係咪適合兒童收看、適合幾多歲嘅人收看，「你稍為心智明白、成熟咗，你鍾意睇咪睇嗰啲囉，但你要有『電檢』嘅級數……（因為）細個冇經驗，睇嘅時候會偏歪咗」。睇番資料，呢套劇有標示係「PG家長指引」類別。