【明報專訊】民陣召集人陳皓桓（Figo）上月因為前年「10．1遊行案」判囚18個月，唔少市民都寫信入去聲援佢。Figo嘅facebook專頁噚日刊出佢嘅回覆，裏面多番感謝市民抄歌詞畀佢，包括有人抄林家謙嘅《一人之境》歌詞，仲有人抄姜濤《蒙着嘴說愛你》嘅歌詞畀佢傳情。Figo透露自己還押時都冇訂「私飯」，因為費事嘥錢，正式入獄後就冇得訂喇。佢又話自己唔會浪費時間，一定會讀書、學好英文。