【明報專訊】元朗區議會早前撥款印製咗一批印上「元朗」兩個大字嘅布袋，分發畀區議員派街坊。布袋上面有好多空白嘅位置，元朗屏山南議員梁德明就搞咗個環保袋繪畫比賽，叫街坊以「我心目中元朗的＿＿＿」為題喺袋上畫畫。佢親自示範可以點玩法，就係喺袋上「元朗」兩字下面寫上「721」。梁德明同Emily講，噚日開始將環保袋派畀街坊，好受歡迎，部分袋已預先寫上「721」，都有唔少街坊拎，亦都有人問佢係咩意思，佢解釋係「一個要記住嘅日子」。