【明報專訊】民建聯進出口界議員黃定光（象哥）講咗退休好幾年，上年本來已交棒畀中華出入口商會副會長、全國政協委員黃英豪，點知第六屆立法會延任，象哥就繼續做落去。立法會選舉12月舉行，新增40個選委會議席，佢噚日同Emily透露玄機，認為黃英豪有條件「轉跑道」，但自己難以短時間內搵到另一個接班人，加上業界對佢有好大期望，所以𠵱家都覺得有啲「為難」。莫非象哥又唔退休住？