【明報專訊】民主派立選初選案36人正在還押，朱凱廸嘅facebook噚日上載家書，提到阿廸獄中生活。早前阿廸眼睛唔舒服，後來到醫院睇醫生，發現晶狀體有老化，有可能變成視網膜脫落，𠵱家暫時患上飛蚊症。佢話會喺赤柱監獄配過一副眼鏡，定時覆診，「放風時避免被波打中頭」。講開做運動，阿廸近排練緊「撞牆功」、「拉筋功」等招式，以往拉唔開嘅大腿筋居然都拉鬆咗，驚歎相當神奇。