【明報專訊】建制派形容前年嘅反修例風波係「黑暴」，官員就會用「社會事件」等字眼，但就引起立法會議員何君堯不滿，仲三度狙擊律政司長鄭若驊。立法會噚日舉行特別財委會，對於官員用「社會事件」字眼回覆提問，何君堯話：「我好反感，點解現時仲叫社會事件？」佢強調前年風波係「黑暴」，「你哋仲咁斯文？有冇搞錯？唔該糾正自己思想好冇？」佢仲話，以後聽到官員再講「社會事件」嘅話，「唔該出門口」。