【明報專訊】民主派35+初選者被控違反國安法案件，43人被收押，唔少人關心收押者嘅狀况，其中社民連岑子杰就透過facebook專頁留言，話前晚由西九龍裁判法院返荔枝角收押所時，沿途見到聲援市民嘅燈海，覺得好靚，話多謝去聲援佢哋嘅人。佢仲話諗起達明一派舊歌《禁色》，當中一句歌詞係「為你，我甘願承受」。佢話香港人好可愛，「我頂得住」。