【明報專訊】警隊刊物《警聲》出咗本特刊《認清事實　謠言謊話真不了》，內有10版，序言提到警隊喺反修例事件後被鋪天蓋地嘅失實資訊抹黑，又喺傳媒輿論、網上世界受狙擊，認為假消息目的只有一個，就係通過動搖警隊去打擊香港。其中一題目講到「惡意抹黑不斷」，內容話「最離譜」係2019年8月31日嘅「港鐵太子站死人事件」，強調係無中生有，監警會都話事件無證據支持。