【明報專訊】政府啱啱鬆綁，戲院、按摩院等場所可以重開，有戲院即刻大排長龍。團結香港基金團隊出版《香港志．總述大事記》，噚日見戲院重開，乘機喺facebook講故事，話根據香港志搵嘅資料，本港最早播放電影係1900年11月22日，喺上環荷李活嘅「喜來園」，以蓋蓬棚形式，放映外國風景嘅《奇巧明燈戲法》，內容有山水人物、外國行兵打仗、亭臺樓閣等，係香港首間專門放映電影嘅戲院。