【明報專訊】行會、立法會議員收到通知，下周一可以率先接種國產「科興」新冠疫苗。雙料議員張國鈞話自己唔驚打針，但要提自己打針嗰日唔好著長袖恤衫。佢笑言，太太畀過立法會同事馬逢國，及外國官員同一姿勢露膊打疫苗嘅相佢參考，搞到佢噚日一開番健身室即刻去操肌。佢話內地生產嘅滅活疫苗，較外國用其他技術嘅疫苗，副作用可預見，議員去打針係想做示範，釋除大家疑慮。