【明報專訊】政府因疫情叫市民今年安靜過年，噚日有唔少全國政協委員、人大代表同Emily講，佢哋都有響應呼籲。港區人大代表陳曼琪話，過年多數留家防疫，同老公煮飯仔，雖然其間有去過黃大仙祠拜神，但入場時唔使嘥時間排隊登記個人資料，因為佢一早下載咗「安心出行」App。佢話安心出行方便使用，掃一掃二維碼就搞掂，「掃完後自己安心啲：安心出行，自己安心」。