【明報專訊】政府早前宣布葵涌石蔭邨仁石樓需要做第二次強制檢測，當區區議員、民主黨尹兆堅都有到場協助。民建聯立法會議員陳恒鑌噚日話收到市民舉報，指阿尹涉嫌同強制檢測站嘅承辦商達成默契，透過承辦商派發卡片畀市民，至於冇手提電話但需做檢測嘅市民，就會改為用阿尹嘅電話登記，過程中冇簽署授權文件，最後檢測結果及個人資料有可能發送到阿尹嘅手機。