【明報專訊】鄉事派元朗區議員、古諮會委員沈豪傑本身係律師，佢最近考多咗一個牌，但就同法律無關，而係可以入密閉空間工作嘅核准工人牌。佢喺facebook形容「成就解鎖」，「可以落沙井和入隧道工作了！」究竟佢要考個牌嚟搞邊科？沈豪傑唔肯向Emily透露，不過Emily留意到古諮會主席蘇彰德喺個帖下面留言，話遲啲約埋一齊去深水埗。