【明報專訊】近期天氣寒冷，有啲工種需要抵住寒風工作，例如昂坪360纜車維修團隊嘅前線維修技術人員都要繼續工作，確保纜車安全。之前昂坪彌勒山夜晚氣溫一度低至3.7℃，維修員仲要爬上去工作。為咗支援同事喺寒冷天氣日子喺戶外工作，昂坪360為外勤員工提供暖包同保暖褲，等佢哋可以暖住開工。