【明報專訊】野豬大鬧市區不時發生，鄉議局主席劉業強前年更講過要「引入野豬天敵」對抗。民建聯何俊賢喺立法會嘅書面質詢就關注野豬滋擾問題，話收到市民投訴野豬闖入民居，破壞農作物及財物等。環境局長黃錦星書面回覆話，自2017年推出「捕捉及避孕/搬遷先導計劃」至2020年11月，漁護署安排咗128次行動，捕獲666隻野豬，當中為296隻野豬避孕或絕育，499隻野豬被搬遷到遠離民居嘅郊野。