【明報專訊】2019年反修例運動中，有示威者包圍立法會、7月1日闖入立法會，大樓多處受到破壞。立法會之後陸續加強大樓嘅保安設施，Emily噚日見到大樓地下嘅議員出入口，喺室內加裝咗一道閘機同玻璃門，據了解有關工程前日先完成。立法會行管會成員、民建聯陳克勤相信工程後立法會肯定安全啲，但「道高一尺、魔高一丈」，要衝入嚟都阻唔到；不過見到保安漏洞，唔提升保安工作堵塞係唔理想。