【明報專訊】2021年新年伊始，民政事務局長徐英偉（Caspar）同新民黨立法會議員容海恩（Eunice）噚日不約而同去咗捐血。捐血前Caspar仲要一早清埋啲電郵，果然勤力。佢話新年最大願望係「疫情過去，社區清零，大家生活回復正常」。Eunice就呼籲，由於新冠疫情反覆，香港紅十字會話各區捐血站及流動捐血服務嘅收血量持續偏低，有見及此，希望集合大家力量，佢亦身體力行響應去捐血。