【明報專訊】立法會前議員許智峯流亡英國，噚日喺facebook話已經開咗Patreon帳戶，希望可以一如以往咁全職從政，全心專注國際戰線嘅工作。自從民主派總辭後，唔少前議員都開咗Patreon，阿峯已經算開得遲，但佢話開Patreon都經過一番掙扎，解釋自己做過兩屆區議員同一屆立法會議員，工作太忙無時間經營Patreon，而且計埋議員酬金同營運開支津貼，生計唔係問題，如果要公眾課金支持，佢會過意不去。