【明報專訊】疫情下唔少人失業，政府噚日展開二級私人秘書公開招聘，目標請180人。睇番呢個職位資料，要求中學DSE畢業，5科考獲第2級或同等學歷，起薪點係總薪級表第4點，即每月16,565元，職位頂薪係第15點，即31,750元，待遇都唔差喎。申請者要有少少電腦技能，包括中文文書處理速度達每分鐘20字，英文文書處理速度達每分鐘50個，同埋具備一般商業電腦軟件知識。