【明報專訊】建制派「健筆」屈穎妍噚日撰文炮轟特首林鄭月娥，唔少人都嘖嘖稱奇，猜度背後係咪有玄機。話說《頭條日報》噚日刊登屈穎妍專欄文章，標題寫住「我不是建制派」，屈穎妍喺文中話，林太喺2017年特首選舉，鬧出唔識用八達通等笑話，但當時佢依然相信林太可以帶領香港，所以寫文章撐林太，「三年下來，我證實自己錯了」。