【明報專訊】東涌區議員王進洋一直跟進區內聚賭問題，佢話前日接到街坊求助，有公屋居民長期濫用公屋聚賭，日日都有唔同面孔出入，不時發出聲浪同打牌聲，滋擾大家作息。佢話街坊曾經好言相勸，但對方自稱黑社會，試過報警，但話警察選擇「hea處理」。於是王進洋噚日親自上去調查，仲喺facebook上載咗張相，佢喺一個單位入面，用膠紙將手機貼喺防盜眼影番出面情况，「清楚錄到麻雀的碰撞聲音，而且錄到居民經常在屋內喧嘩」，驗證咗街坊嘅投訴屬實。