【明報專訊】民主黨許智峯流亡海外，全家戶口一度被凍結，涉款達數百萬元，當中包括匯豐、恒生同中國銀行戶口。唔少建制派隨即嘲諷，民建聯張國鈞質疑，民主派叫人唔好用中銀，「但（許智峯）自己又用中銀？無計，中銀服務好」，嘲諷佢「口裏說不，身體卻很誠實」。工聯會陸頌雄就留言話中銀服務唔錯，分行多、職員友善，又叫許智峯返嚟香港解釋啲錢點用。