【明報專訊】疫情再趨嚴峻，政府亦將限聚令收緊至兩人，實政圓桌田北辰噚日就喺facebook上載相片，原來佢同阿哥、自由黨榮譽主席田北俊噚日去咗一間快餐店食漢堡包，田北辰同阿哥自拍之餘，仲改編近日因出現「歌舞群組」而經常出現嘅潮語，笑言佢終於搵到個「對的人」，可以講句「阿哥，我不想努力了」。佢又hashtag寫「#講吓啫」、「#日日做到無停手」等。