【明報專訊】民主黨下月舉行換屆選舉，林卓廷噚日宣布會競逐副主席一職。阿廷話喺民主派總辭後先有呢個諗法，佢覺得未來一年都會大風大浪，認為黨內領導層如果有一個前議員在位，可以更好咁掌握政治形勢。現任副主席、南區區議會主席羅健熙被指係下屆黨主席大熱，阿廷話自己講嘢過於直率，認為羅健熙係較合適嘅主席人選，話全力支持對方參選。