【明報專訊】港鐵太子站8．31事件發生一年當晚旺角發生衝突，其間孕婦馮太被警員拉跌。油尖旺區議會副主席、公民黨余德寶話，馮太噚日喺屯門醫院順利誕下女兒，BB女叫做「貝貝」，馮太話多謝大家關心；馮先生就寄望女兒「健康、善良、樂於助人」。余德寶就覺得貝貝好「大命」，媽媽跌親後平安降生，希望貝貝可以喺如今風雨飄搖嘅日子中健康快樂咁成長。