【明報專訊】社會撕裂，議員去食飯都好容易「出事」。大埔區議會主席、新同盟關永業噚日就喺facebook話要跪玻璃認錯，原因係佢噚日朝早於fb上載咗一張連鎖食店嘅推廣圖片，介紹特價38元一隻燒雞，諗住有平嘢介紹畀朋友。點知出post後即有人留言質疑佢點解宣傳「藍店」，有黨友亦話，呢間餐廳背後嘅集團被人話係「藍」嘅，提醒佢小心啲。關永業見到咁，所以刪post，然後出post道歉，話「罪該萬死，誤貼藍店廣告」，又話為洗罪孽會禁食72小時謝罪。