【明報專訊】大埔居民有好消息，區內嘅大埔超級城預計喺下年底有戲院開業，估計會有4個影院，到時戲迷就唔使去到粉嶺、沙田先有戲睇喇。新民主同盟大埔區議員任啟邦噚日同Emily講，大埔區將近20年冇戲院，屬18區內嘅少數；而新一間戲院起咗超過10年，當中遇上補地價、被學校投訴等阻滯，居民等到「頸都長」。