【明報專訊】人大早前決定全體立法會議員延任不少於一年，人民力量陳志全（慢必）自言「八九成都會離開」，未來一年都有唔少大計，包括已經開定Patreon帳戶供訂閱。慢必同Emily講，呢段時間希望經營番社交網絡，除咗主打強項嘅時事、議會評論之外，都希望拉闊啲，講吓電影軟銷公民教育，甚至講吓中國歷史朝代、考慮做《紅樓夢》章節導賞。另外佢仲想寫書，除咗講議會抗爭，都想整理吓香港同志運動歷史、司法覆核案件等。