【明報專訊】自願參與嘅全民檢測噚日開始，當局派員到立法會為議員採樣，建制派仲拎晒牌影大合照宣傳計劃，不過經民聯梁美芬同民建聯黃定光（象哥）就因為企位問題鬧出小風波。話說美芬噚日著住條窄身裙，大合照時企喺第一排，民建聯蔣麗芸（Ann姐）離遠見到，就大叫「踎啊，美芬！」美芬反嗌：「唔踎！」來回嗌咗幾次，Ann姐手指住美芬，叫「乖，sit！（坐下）」，講完Ann姐自己都笑。