【明報專訊】全民檢測聽日正式展開，工聯會過去兩日都落區宣傳，同協助市民預約檢測。勞福局副局長、工聯會何啟明噚日聯同黨友鄧家彪，重返佢曾任兩屆區議員嘅藍田康雅苑，呼籲市民積極參與檢測。何啟明話要等疫情緩和，小朋友先可以返學，「我個仔已經半年無返學，我好痛苦之餘，佢都好痛苦」；鄧家彪喺隔籬笑住話「我都係一樣啦」。