【明報專訊】疫情下難搞長跑比賽，「全城街馬基金會」就舉辦一個創新嘅慈善籌款任務，集合全城力量「跑步去月球」，活動由7月至10月舉行。地球同月球嘅距離係38.44萬公里，一個人當然做唔到啦，活動就希望集合香港人跑步或步行里數，達成目標。活動籌得嘅款項會捐畀「全城街馬基金會」，用嚟支援弱勢社群。