【明報專訊】民主派就議員係咪延任立法會引起激辯，公民黨楊岳橋（AY）、荃灣區議員岑敖暉（Lester）噚日喺港台節目辯論。對於民調決定去留，香港民意研究所行政總裁鍾庭耀早前建議採取全體受訪者一半、或民主派支持者三分之二作門檻，Lester認為後者門檻太高，意味就算有65%民主派支持者反對，民主派都留任，「如果同65%港人（民主派）相違背，未必理想」。AY就話要同鍾庭耀再詳細傾。