【明報專訊】民主黨林卓廷、許智峯噚日分別被捕，工聯會郭偉强其後喺facebook發帖，張圖有49支香檳emoji，但冇寫其他字，後來該帖被刪除。係咪因為民主派議員被捕所以要「開香檳」呢？郭偉强只係同Emily講，「大家各自理解，我冇特別寫任何嘢」；至於點解刪帖，佢就話冇乜特別原因，可能係同事安排，因為個post係佢出，但唔係佢刪除。至於點睇林卓廷等人被捕，郭偉强只係話𠵱家未判刑、未有事發生。