【明報專訊】實政圓桌立法會議員田北辰（田二少）呢排一直為駿洋邨準居民發聲，政府8月14日公布暫時唔會歸還第一至第三座嘅單位畀準居民，田二少近日探訪第一座準居民、現時住喺元朗等上樓嘅李小姐。田二少話，同準居民喺徵用駿洋邨事件上，最火滾係政府漠視居民情况。佢噚日喺facebook上載探訪片段，李小姐住緊嘅村屋，屋頂漏水、 螞蟻為患；原本以為可以上樓嘅佢已為5歲囝囝轉校至沙田區幼稚園，放棄喺元朗嘅學位，𠵱家就要跨區返學。